Karongi hatangijwe gahunda yo kwigisha ururimi rw’Ikirusiya izafasha urubyiruko kubona amahirwe y’uburezi n’ubufatanye mpuzamahanga

Iyi gahunda yashyizweho ku bufatanye bw’Academy of Labor and Social Relations yo mu Mujyi wa Moscow, ikaba iterwa inkunga na Russkiy Mir Foundation yo mu Burusiya, ikanashyigikirwa na Ambasade y’Uburusiya mu Rwanda.

Ni gahunda iri mu mushinga mugari wiswe “From Kigali to Moscow: Learning Russian”, uzajya wigishirizwamo abanyeshuri bo mu Mujyi wa Kigali no mu Karere ka Karongi. Mu Karongi, ishyirwa mu bikorwa ry’iyi gahunda rikorwa ku bufatanye n’Ishuri Rays of Hope School, rifasha mu gutegura no kwakira ibikorwa byose by’iyi gahunda.

Abateguye aya mahugurwa bavuga ko agamije gufasha abayitabiriye kubaka ubushobozi mu rurimi rw’Ikirusiya, harimo kumenya imiterere yarwo, guteza imbere ubuhanga bwo kuruvuga no kurwandika, gukuraho imbogamizi zo kuvugana n’abarukoresha, ndetse no gusobanukirwa n’umuco, amateka n’imibereho y’Uburusiya.

Banagaragaje ko iyi gahunda itagamije kwigisha ururimi gusa, ahubwo izanaba uburyo bwiza  bwo gushakisha no guteza imbere impano z’Abanyarwanda bafite ubushobozi, kugira ngo bazabashe kubona amahirwe y’amasomo makuru, ubushakashatsi, ubufatanye mu muco, ubucuruzi n’izindi gahunda zizahuza u Rwanda n’Uburusiya mu gihe kiri imbere.

Aya masomo azamara amezi atanu, kuva ku wa 17 Nyakanga kugeza mu Ukuboza 2026. Azajya atangwa inshuro eshatu mu cyumweru, buri munsi hakigishwa amasomo abiri, mu buryo bwo kwitabira ishuri.

Intumwa yoherejwe na Ambasade y'Uburusiya mu Rwanda

Abanyeshuri bazarangiza neza aya mahugurwa kandi bagatsinda ikizamini cya nyuma bazahabwa impamyabumenyi (Certificate) itangwa ku mugaragaro na Academy of Labor and Social Relations yo mu Burusiya, izabemerera kwerekana ubumenyi bungutse muri uru rurimi.

Abateguye iyi gahunda bagaragaje ko bizeye ko izafasha urubyiruko rw’u Rwanda kwagura amahirwe yarwo ku rwego mpuzamahanga, binyuze mu kwiga ururimi rwifashishwa mu burezi, ubushakashatsi, ikoranabuhanga n’ubucuruzi, bityo ikaba izatanga umusanzu mu kurushaho gushimangira ubufatanye hagati y’u Rwanda n’Uburusiya.

Umunyeshuri waturutse mu Karere ka Nyagatare witwa Uwihirwe Rodrigue yavuze ko ashimishijwe n’iyigahunda kuko ije isanga yarasanzwe yiga Muri RP Karongi ariko atacikwa n’ayamahirwe . yakomeje avuga umumaro w’iyigahunda mubijyanye n’imikorere asobanura ko bishoboka ko yasoza icyiciro cy’amashuri arimo akaba yayakomereza mu uburusiya akaba abasha kumvikana nabo ahasanze.

Umuyobozi wungirije w’ Akarere ka Karongi yashimangiye ko iki ari igikorwa kiza cyizaha amahirwe urubyiruko ndetse n’abandi bazitabira ay’ amasomo azamara amazi atantu bahugurwa ururimi rw’ikirusiya .

Yakomeje abwira urubyiruko ko bagomba kubyaza umusaruro ayamahirwe bahawe kuko ururimi ari isoko y’umurimo ndetse n’iterambere ,kuko haba hari imikoranire izabaho mugie runaka igakorwa nurwo rubyiruko.

Umuyobozi w’iki kigo cy;amashuri cyizatangirwamo aymahugurwa y’ururimi rw’ikirusiya yavuze ko ari amahirwe bahawe murwego rw’iterambere ndetse n’imikorere kuko ururimi rufasha mukumvikana ndetse no gutegura akazi cyangwa imikoranire kumpande zombie.

Rays of Hope School ,Ahazatangirwa amasomo y' Ururimi rw'ikirusiya

Abanyeshuri batangiranye iyi gahunda ibyishimo 

Umunyeshuri waturutse mu Karere ka Nyagatare yahamije ko yishimiye iyi gahunda izamufasha kugera kure

Umuyobozi w'Ikigo yashishikarije urubyiruko kubyaza ya'amahirwe umusaruro

Umuyobozi wungirije w'Akarere ka Karongi yashimye iyi gahunda avuga ko izafasha abanyarwanda nabatuye muri aka karere mu burezi ndetse no mu mikorere.

Inzego z'umutekano zitabiriye uyumuhango wo gutangiza iyi gahunda zatangaje ko indimi arikimwe mubigize imikoranire myiza rero ,Ikirusiya kizafasha abagiye ku cyiga kwiteza imbere muburezi