Umuhanzi The Ben yateguje igitaramo ‘The New Year Groove’ agiye gukora ku nshuro ya gatatu

Nubwo amazina y’abazitabira iki gitaramo ataratangazwa, amakuru Ahari avuga ko hateganyijwe abahanzi bakomoka mu Rwanda, Uganda, u Burundi, Tanzania na Kenya.

The Ben ateganya gusohora indirimbo nshya enye

Mu myiteguro y’iki gitaramo, The Ben yatangaje ko ateganya gushyira hanze indirimbo nshya enye mbere y’uko umwaka wa 2027 utangira.

Izo ndirimbo zizaba zirimo izo azakora ku giti cye n’izindi azafatanyamo n’abandi bahanzi. Ni igikorwa giteganyijwe kongera ibihangano bishya mu muziki we mu gihe yitegura kongera guhura n’abakunzi be mu gitaramo cyo gutangira umwaka.

‘The New Year Groove’ imaze kuba igitaramo ngarukamwaka

Ku nshuro ya mbere, ‘The New Year Groove’ yabaye ku wa 1 Mutarama 2025, ubwo The Ben yamurikaga album ye yise Plenty Love. Icyo gitaramo cyitabiriwe n’abandi bahanzi barimo Tom Close, Bushali, Kivumbi King na Kevin Kade.

Ku nshuro ya kabiri, cyabaye ku wa 1 Mutarama 2026, aho The Ben yasangiye urubyiniro na Bruce Melodie muri BK Arena. Icyo gitaramo cyitabiriwe n’abafana benshi, kinakurikirwa n’ibiganiro bitandukanye ku mubano w’aba bahanzi.

Abazitabira igitaramo cya 2027 bategerejwe

Igitaramo giteganyijwe ku wa 1 Mutarama 2027 kizaba ari inshuro ya gatatu ‘The New Year Groove’ ibaye ku itariki ya mbere y’umwaka mushya.

Abakunzi ba The Ben bategereje kumenya abahanzi bazifatanya na we kuri iyi nshuro, mu gihe imyiteguro y’igitaramo n’ikorwa ry’indirimbo nshya bikomeje.