CECAFA Kagame Cup 2026: Rayon Sports yisanze na Al Hilal, APR FC izahura na Gor Mahia

Tombola yabaye mu gitondo cyo kuri uyu wa Gatanu, tariki ya 10 Nyakanga 2026, muri Stade Amahoro i Kigali, iyoborwa n'umunyabigwi w'umupira w'amaguru mu Rwanda, Haruna Niyonzima, wakiniye APR FC, Rayon Sports na Simba SC yo muri Tanzania.

Uko amatsinda ateye

Itsinda A

• APR FC (Rwanda)

• Vipers SC (Uganda)

• Gor Mahia (Kenya)

• FC Garde Républicaine (Djibouti)

Itsinda B

• Singida Big Stars (Tanzania)

• Simba SC (Tanzania)

• Jamus FC (Sudani y'Epfo)

• Mogadishu City (Somalia)

Itsinda C

• Al Hilal SC (Sudani)

• Rayon Sports (Rwanda)

• Tusker FC (Kenya)

• KVZ SC (Zanzibar)  

Nk'uko amategeko y'irushanwa abiteganya, ikipe ya mbere muri buri tsinda izahita ikatisha itike ya ½, ikiyongeraho ikipe imwe iza ku mwanya wa kabiri yitwaye neza kurusha izindi. Amakipe azatsinda imikino ya ½ azahatanira igikombe, naho azatsindwa akine umukino wo guhatanira umwanya wa gatatu.

Irushanwa rya CECAFA Kagame Cup 2026 rizabera kuri Stade Amahoro na Kigali Pelé Stadium, kuva ku wa 24 Nyakanga kugeza ku wa 7 Kanama 2026.

Mu mateka y'iri rushanwa, Simba SC ni yo imaze kuryegukana inshuro nyinshi (6), igakurikirwa na Gor Mahia na APR FC zaryegukanye inshuro eshatu buri imwe. Tusker FC imaze kuryegukana inshuro ebyiri, mu gihe Singida na Rayon Sports buri imwe imaze kuryegukana inshuro imwe.